wtc more是什麼？就是世貿中心。可能就這樣說你會對wtc more並無印象，但當我說「Excelsior隔籬」或「總統商場隔籬」就有很多人會記起這個mall。可惜的是這麼多年來世貿中心定位都不太清淅，不是只記得「有貼紙相影」，就是那個「永遠唔知點解都有圍板封著某些地方，唔知佢想點的商場」。這可不是我「老作」，而是我問了幾位朋友所得出來的印象，不過他們和我一樣都是「九龍人」，感受到的可能與實際情況有偏差也說不定。「九龍人」更說：如果唔係「去奇華特搵蔡太或者去睇貓狗，通常去銅鑼灣只會行Sogo、金百利、銅鑼灣廣場再過去京華中心、時代廣場後差唔多腳抽筋就打道回府，很少會行去後面果頭」。然而我近日才知道原來懶行過去係會睇少同食少好多野的。

翻查維基百科、新鴻基2006年宣佈豪花了2億港元去「執靚」整個商場後到2009年2月才全面開業，原來以前不斷圍板是為了不斷裝修。而完工後wtc more進駐了無印良品、Uniqlo和我最喜愛的agnès b.，更有我好欣賞的桃色力量內衣品牌PEACH JOHN，確實值得去逛一下。不過我知道行商場其實是件很個人的事，例如某L字頭商場，就算行多幾次，硬係覺得同自己風水格局不配合，所以我都係直接去某樓層買某些自己心水的東西就算了。至於wtc more和你夾不夾？真係要你自己逛過先至知。我只知道2010年米芝蓮推介餐廳wtc more內就有三間，而在11月中受公關之邀我有機會到其中一間米芝蓮推介的AT Corner気日本料理吃了一餐便飯，我這個好又一餐醜又一餐唔識欣賞又唔係美女廚神的宅女，叫我形容有幾好食講完你都唔信啦！只係被「輪胎人」睇中的餐廳，應該都並非池中物。我只想說AT Corner的環境確是一流。面向維多利亞港和男/女伴一邊看幻彩詠香江一邊喝清酒，如果聖誕係咁樣仲唔殺哂？是以要為聖誕果餐同聖誕禮物而煩的話，我覺得wtc more可以係你其中一個選擇。

刺身拼盤：飽魚、油甘魚、三文 魚、甜蝦

香檳蕃茄

還有wtc more背後某程度上是由老式物業機構管理，但其機動性和應變算是很快，在social media方面有許多搞作例如Facebook Page，是次和前數次的blogger溝通活動等大膽擁抱社群媒體的動作，相比起其他港島區的大型商場wtc more確實係走得前過其他只識send EDM的同行。我期待wtc more有更多social media搞作，以證明搞社群媒體唔駛吓吓以本傷人都可以成功也。

延伸閱讀
蘋果的化妝箱 – 是日好吃：AT Corner @wtc more

No related posts.

Related posts brought to you by Yet Another Related Posts Plugin.