人望高處水望低流，打工仔騎牛搵馬想搵份好工好正常，就算知足如我只要老細同事相處融洽餵得飽我就算俾人話唔上進，都想八吓最新市場動態。近日免費報紙《頭條日報》旗下HeadlineJobs頭條搵工網推出iPhone App頭條好工，正好讓我時不時昅昅出面請乜工多，保持競爭力是也。

由於雇主招請員工時多以英文撰寫招聘廣告，所以程式開宗名義以英文為介面。用家除了以下拉菜單分類尋找好工以外，如果你真的打算「病急亂投醫」份份都試吓嘅話更可以使用「Hot Jobs」功能搵至熱好工，然後狂send resume出去。

有時做人嘅野真係話唔埋，如果咁黑仔見幾份都唔成，頭條好工內有「每日職場小Tips」，一按即知今日幸運顏色、幸運號碼同職場小貼士，等你執過位起過風都唔駛彷徨無依。而程式內亦有「生命密碼」遊戲，想知道自己或新波士性格強弱長短？即時睇睇打番個底，淡定，有錢剩。

假如你想儲起好工留番放工慢慢睇或者send俾好姊妹就要登記成為會員，雖然多咗重手續，不過睇在3萬幾分工搵到手軟都仲得，亦方便顧主搵你，要「得米」就唔好咁懶啦。而且7月16及17日響荃新天地有個「教育及青年就業招聘日」，如果你download咗個iPhone App行埋去，就可以免費囉到把遮，再加上HeadlineJobs粉絲頁亦隨時為你獻好工，就算你真係斯巴達人咁堅都要與時並進，不妨download個iPhone App踏出搵好工第一步，話唔定順手搵埋個好老公添！

No related posts.

Related posts brought to you by Yet Another Related Posts Plugin.