寫這個，其實有點曬命，但命，又好似係囉黎曬的（對唔住我係吋，打我啦，打醒我啦！）話說自上次與AllRightsReserved主腦SK相遇後，人哋真係好鬼死客氣，仲時唔時同我響Facebook傾吓計添，你都咪話唔勁……勁，點解勁？因為我只係一條死仔，唔知響度做緊乜鬼，人哋真係會同我搭兩句咀話自己做緊乜野project喎，老實說，真係只可以用「受寵若驚」四個字來形容。

又話說，有一晚SK話做緊Sammi啲野，講吓講吓，跟住話要送我一個Hello Mi。我心想，嘩！潮MUST黎傢喎，限量版黎傢喎，Sammi Fans搞到Moov個server死咁滯，響演唱會又有成幾百人排隊買，唔係有錢就買到傢喎，真係送我？當時個心，就似亞爸應承小朋友考得叻會買玩具俾佢咁，係有啲期待，但又唔敢太期待囉，小小心靈小小心事咁，想等又唔等中……

後來，點知，有一日返工有件件（廣東話變吓個聲調吖唔該）送咗黎，嘩，原來就係Hello Mi！我直頭響office度大聲叫咗出黎，嘩卡卡，實在開心到太痴線了，我真係有一隻Hello Mi喎！而且仲有SK嘅「墨寶」字條添。帶咗佢返屋企後配合埋老細送嘅Hello Kitty杯，天寒地涷除咗暖水袋以外仲有哩兩件法寶攬住，真係人都醒神啲。

後後來，我先至知，原來哩隻Hello Mi經已被抄到好貴，貴過原本3、4倍之多。我，我竟然有啲咁貴人咁識錫人仲要係記得我鐘意乜野同有我心嘅勁人響我個Network度，真係強強滾，令我閃閃眼，使我相信2010年我一定有運行（蘇師傅tune），大顯威靈（司徒師傅tune），Yeah！

上星期六與家人共聚可能吃得太好所以身體欠佳，病假了一天，今天神游魂蕩後回到家中反反覆覆的休息一下。現在剛清醒了還未到吃葯時間，正好為Samsung ST550作個小小總結。

以操作簡易程度而言，我對Samsung ST550實在沒投訴，Jansen說「好似iPhone般方便」其實正是我想說的。要刪相嗎？「笑笑畫交叉」吧！看下一張相？向左右「劣」一下便成，和iPhone真的很相似。Jansen製作的video有詳細介紹，大家可以去看看。

至於Samsung ST550的智慧自動模式更是一絕，有很多朋友問我影相時「點解要條條fing」，實情是只要fing兩fing，相機就會按情景需要自動調教，最合我這種「影相白痴」。然而如果你執意要微調的話，這部相機亦有許多可供揮灑的地方（詳情可見非常專業，Mobileradio.hk ITM及寫真管節目主持樹仁的Blog），難怪有很多人對這部機都心動不已，甚或是身邊的朋友都經已買了（這是我到某電腦活動時公關姐姐所給的評語）。如果我有閒錢的話（我換三豬蛇iPhone 3GS後本年IT Budget經已囊空如洗了），我想我一定會買下它，因為看見大家自拍時的笑臉，經已值回票價。

延伸閱讀
Samsung ST550 雙屏幕相機試玩，始動！
Samsung ST550 自拍記實
Samsung ST550 x 第一次看煙花就在海港城
Samsung ST550 即笑、即自拍、多歡樂
Samsung ST550 HQ 影片拍攝與HDMI輸出

2009年對我來說頗有「在塵世打滾才是修行」的意味，再加上近日多寫這邊，所以我今年介紹的Blog相比起上年會偏向於「人類會睇得明白」的類別：

(more…)

吉星拱照，歡樂年年！
花開富貴，喜氣揚揚！

看見眾Blogger都貼年終Youtube，我也來貼一個。

很喜歡這首歌，因為我真的很喜歡它的內容：「唔特別我一定係，好悶我更加係硬」，雖然我不是金髮的女孩，但我仍然覺得自己很lucky，有愛我的朋友和家人，而且經歷2008這麼刁鑽的一年仍然未死得。期望2009年就像歌中的女孩，專注做好自己喜愛的事，繼續勞力發功，再接再勵搞事搞非搞風搞雨，搞到大家死去活來大叫唔好、唔好、唔好……好！

(more…)