昨天（2008年10月4日）到了《iPhone.UserGroup.HK》的首次聚會，由於交通出現問題，所以我遲到了，到達的時候經已是介紹《miniBus巴士路線搜尋器》的時間。雖然買了這個軟件的Stella被人笑說她「很傻很天真」，不過我想如果我有這個軟件，可能就不會遲到吧。

放眼望去，整個場地大概可以容納60至70人，我到達時大致上已是坐滿了，而且大部份人都是iPhone用家。為甚麼這樣肯定呢？因為iPhone用家習慣會不斷拿iPhone出來「篤這篤那」，所以誰是用家就一目了然。在場人仕除了我的MobileRadio.hk電台iPhone熱戰友Jonathan、Stella和西遠寺以外，亮、星屑醫生、Sammy、Leon Ho、Michael Azim、Chris Chan也有出席；我還認識了iPhone熱的新晉靚女主持Aiki、Simon和「講野勁爽勁正的MJJ大人添」。至於節目方面，最吸引我的當然是由亮負責的「古今中外刁鑽好玩實用軟件大哂冷」，沒有他的介紹，我絕對不會知道FStream是可以用來收聽香港的電台頻道呢。最正點的是亮把他的iPhone內容任我們看（除了理財軟件以外），當觀眾對某個軟件有興趣的時候他就即場運行軟件作出示範，這種才是我心目中的用家聚會，畢竟對於如何設計軟件我完全不懂，我是個完完全全的End User啊！但是認識Developer是有好處的。於活動過後我們一行人一起吃晚飯，這個項目（Apple的NDA讓我連名稱也不敢講出來啦，自己看連結就是了）的負責人把正在測試的軟件安裝給我們玩。我在家中竟然可以掃到一堆自己住了十多廿年也不知道的新地方呢，好厲害！經過這次的活動後原本以為自己使用Unlimited Data Plan「好傻仔」，現在卻覺得自己購買iPhone和使用無限Plan是非常正確的選擇，因為iPhone實在太多好玩的東西，一定要好好的盡情使用它呢。

我拍了點照，有興趣的可以看這兒。

因為工作的關係，我必須為所屬的公司登記美國的iTunes Store戶口。原本我是使用天祐介紹的方法到TrueCore拿取Promotion Code再於iTunes Store進行Redeem的程序；可是現在我才發現TrueCore的Promotion Code在九月經已派完了，怎麼辦呢？唯有在網絡上找尋其他解決方案。

經搜尋後，我發現這個Forum介紹了不用任何Promotion Code就可以登記iTunes Store戶口的方法。經驗證過後是可行的，有需要的朋友不妨一試。

多謝冬冬的好介紹，超爆笑中！

非官方廣東話版BarCamp FAQ

BarCamp哩個字其實點解？

Bar者，酒吧也；Camp者，即係營地啦。咁BarCamp咪即係響酒吧度札營？當然唔係咁嘅意思啦。話說BarCamp嘅傳統係會響舉行前一晚約齊大家去一間Bar度，一齊摸吓酒杯底，一齊傾吓第二日自己想講乜野話題，咁咪係個Bar字嘅由來囉。至於個Camp字呢，梗係講緊大家好似迎新營咁，響同一個時間一齊響某一個地方搞作吓；於是夾夾埋埋兩個地方嘅兩件事情咪變成BarCamp囉（哩個係Daisy作既解釋，信不信由你）。

響BarCamp入面可以做乜野傢？

• 睇人，被睇
• 識吓人，派吓卡片
• 做吓演講，或者乜都唔講（係傢，其實唔係一定要出去講野傢，只要你參與，「BarCamp始終有你」就得）

係唔係一定要好似返工咁朝九晚五先？

如果你唔可以參與哂全日係你嘅損失，是關啲題目真係勁正，好有火花傢。之不過如果你上畫要返工咪下畫先至黎囉，一樣歡迎。

係唔係要好Tech先至參加得傢？

我都唔Tech咪一樣去，就係因為唔識所以先至要學。

死啦！我英文唔得傢，係唔係一定明珠台傢？

你當我死傢！我係廣東人黎傢。而且BarCamp係歡迎大家以自己最熟悉嘅語言去交流傢嘛，唔駛驚，黎玩啦。

我份人比較慢熱，唔識同人溝通，我可以點參與呢？

唔鐘意講野唔緊要，歡迎你影多啲靚相放上去Flickr Group “barcamphongkong2008” ，利用Twitter加上#barcamphk去報導現場實況，又或者將啲新野upload上去Facebook咁，唔講野都得傢。

你講到咁正咁好玩，駛唔駛俾錢傢？

免費傢！仲想咁多，快啲黎Facebook或者Wiki報名啦！

想睇上年正經版本嘅FAQ？

哩度有得睇，不過都係我寫嘅:P