講到自己懶係正義咁，我唔係要睇埋啲乜嘢十全大補丸增進知識咩？大佬呀，食得鮑魚多都要食吓粉絲如果唔係脾臟會積滯傢。呢本《老公的陰莖插不進來》細細本字唔多個半鐘左右就睇哂，輕輕鬆鬆消閒係幾好。
本書其實講乜？台灣呢啲網都幾仆街， 佢差唔多兜嘢將所有內容講哂出黎，所以我都唔好話劇透唔劇透照講啦。作者即係女主角鄉下出身去都市讀書，同男主角住宿舍結識，後來成為情侶，無幾耐就想搞嘢。點知男嘅去叫雞同埋破人處都無問題，就係同女主角搞唔到，點都入唔到，每次搞親都痛到飛起，於是只好幫佢用手口解決同顏射。
正當女主角以為男主角畢業搵到工會飛起佢之際，男主角竟然向佢求婚，而女主角畢業之後亦同男主角一樣做教畜。兩夫妻性格喜好都好夾，就係搞唔到嘢，次次搞親都血流成河。當以為唔搞嘢就照樣幸福生活？頂多無性夫妻？邊有咁易！女主角響學校工作不如意，男主角亦因為搞唔到嘢去叫雞搵敏感巨乳風俗女而被女主角發現（大佬呀，點解會將叫雞積分卡同食物積分卡放埋一齊咁on9，不過條友可能係特登嘅），響身心雙重壓迫底下女主角就響 SNS 度打吓文講吓自己唔如意嘅事。
所以話唔識上網真係唔好上網，女主角用果個 SNS 原來係人哋用黎約炮嘅，佢就傻傻咁打哂自己啲嘢上去。其中一個大叔讀者約佢出黎，兜嘢就話，喂，我哋去便利店買啲嘢食囉，咁女主角話好呀，跟住去邊度食呀。大叔話梗係上房啦，咁佢又傻吓傻吓跟人哋去，又傻吓傻吓俾大叔搞埋。之後發現點解大叔搞佢無事無幹又無血，點解同老公搞就會又流血又痛嘅呢？
唔多少有啲自毀嘅心態，女主角開始同每個約炮嘅男人都搞起上黎，有時仲玩埋 SM 添。如果佢覺得係糾纏 feel 嘅，就 ONS 算數，如果對方係淡淡然仆完不留下印嘅，就仆返兩三次。
後來女主角同老公一齊都有長期病，求子不成，只好用姊弟咁既方式去經營大家嘅關係，甚至連每年新年都流血但係都會照仆一次嘅儀式都取消埋，變成真正無性夫妻。全書最後以老公叫得多雞生性病，同埋女主角被保險妹係咁問點解會唔買小朋友嘅保險而作結，證明佢哋兩個就算幾有愛都好，都係要一齊面對生活日常嘅問題。
我自己睇得好掹嘅地方就係明明俾第二啲男人插係無事，俾老公插就會流血，點解咁奇怪都唔去睇醫生。女主角自己覺得既然其他男人都插得入，老公插其他女人又無問題，咁即係淨係我哋兩個有問題，認命囉，咁樣真係唔 OK 囉。明知唔 OK 又唔去正視，最後連仔都生唔到仲停埋經，真係好可悲。不過唔肯面對性事或無知識嘅人真係仲有好多，大家睇吓以下嘅 post ，除咗痴 _ 線以外，我真係無嘢補充。
