9月19日在城大參加了Software Freedom Day 2009，乜野係香港國際軟件自由日，又有幾自由呢？當日有好多單位介紹咗唔同嘅免費或者開放源碼軟件，老實說有好多都太過technical，我真係唔識，但係有幾個session絕對係值得支持：

StepCase Leon Ho介紹點樣使用開源軟件去「開檔」寫程式同管理網站方案，原來有好多免費開源系統可以好好去營運網站。

Mobileradio.hk Tommy和樹仁介紹如何使用Audacity免費軟件去錄音和做Podcast後期製作，有好多方法例如去雜音我都唔識，所以哩堂課真係好正。另外要讚Tommy，系統中間出現問題但仍然可以應付自如，好厲害。

Tommy

「公海」（即是不使用任何Blog Service Provider服務）blogger Sammy、Jay和石先生介紹由BSP到公海心路歷程，Wordpress應用及一堆非常有用plug-in。全日使我最有共嗚就係哩個presentation，好明顯好多觀眾都有同感，有好多問題想發問，不過係時候影大合照，時間夠所以無辦法再問。

哩次係我第一次參加SFD，感覺都唔錯，希望下年能繼續參與，學多啲（雖然太過Technical的話真係唔會識）。

原來有個廁所，就經已好開心傢啦

9月22日參與了「樂施會10億個夢想」Blogger聚會，除咗介紹新嘅「樂施會10億個夢想」網站以外，樂施大使Claire就算係病緊都堅持出席介紹佢響整個「夢想‧搜尋」印度之旅嘅得著。其實樂施會所在果座大廈再落幾層就係我公司以前嘅舊址，所以真係幾有親切感，因為以前成日都見到有人上去樂施會做活動，但我就從來無機會上過去，想不到今次有機會直闖總壇，此乃成為blogger後（其實這句真搞笑，就算未有blog以前我經已搞個人網站，以前仲搞Palm版本的中英CEDict。如果有一種東西叫做「最初一批香港blogger」，咁我就係香港最初嘅「個人內容供應商」，果陣時blog仲未出現，哈哈！唔講邊有得笑）所發生的好事之一也。

Claire要過好多關先至可以成為樂施大使，又要網上投票又要面試，絕對係眾望所歸。雖然Clarie同張繼聰楊崢一齊出trip，但哩個都唔係重點，最重要係佢令大家關注貧窮問題。原來印度婦女日頭係唔可以亂去草叢柯屎（對唔住，原本想用如廁，但係佢哋就係無廁所嘛），因為女人響印度種性制度下係最低等。於是，只可以響晚間攝手攝腳去解決，仲要怕蛇咬怕跌親。試想吓，哩啲咁基礎嘅人身需要要忍到夜晚先至釋放喎？真係好慘！好彩有樂施會，幫班婦女起咗間廁所，又教佢哋做刺繡自給自足，先至叫做有番少少人樣咋。所以當我哋成日響度話無乜無乜無病呻吟，就最好去睇吓人哋係點先至講。

當晚一班Blogger亦獻計俾樂施會睇吓點樣可以開（多啲善款來）源，雖然某些建議可能微不足道，都希望可以幫到樂施會同更多有需要嘅人。

第一輪Discussion Panel都經已好肉緊吓

9月24日我就參加了香港互動市務商會(HKAIM)舉辦Social 2.0活動，袁彌明、Openrice鍾偉文、Baby Kingdom Rainer Sip、香港高登Joe Lam等成功香港「土炮」網站「揸Fit人」都有參與，唔知隻字係唔係咁用，但真係「冠蓋雲集」。至於哩個活動嘅內容係講乜野嘅呢？因為人家要俾幾舊水去聽，所以我唔多講啦，或者大家可以參考其中一位主講者莫乃光嘅報導，又或者Bach Lau嘅Tweet Log。我只想講吓啲花邊野。

首先要讚吓大會，自從Rudi Leung係咁話獎座唔環保以後，大會真係安排咗慈善機構經已捐錢收據送俾嘉賓，咁樣真係有意議得多。袁彌明真人真係好靚女又nice，皮膚又好，我完全估佢唔到。香港高登Joe Lam貼身勁裝出場，都真係幾yeah傢。另外我最欣賞Francis Fong個Keynote，佢搵咗張亞森一族嘅相黎代替某嘉賓個樣，真係好好笑傢！仲有放響桌面嘅IT花花都係Francis響日本買，真係估佢唔到佢可以咁鬼馬呢。

袁彌明

我在想，如果早前某大信用卡個Facebook Page Admin有去聽過Social 2.0，就唔會搞到咁大鑊啦（詳情我唔講啦，大家自己睇我Facebook或者尋找吓某「黑卡」公司嘅Facebook Page啦），所以「活到老，學到老」哩句說話真係無錯傢。當日主辦單位HKAIM亦發表咗佢哋對社交媒體嘅問卷調查，雖然有人話「內容又咪行貨，鬼唔知亞媽係女人」，但係我覺得訪問過成千人都係得出哩個結論，就證明件事就係咁囉，既然咁多「本地市務人員對社交媒體認知不足」，咁我哋Blogger/新媒體人作為其中一員都要加把勁呢。

Hong Kong Social 2.0 Facebook Page

博客・社群