如果這篇文章只打一個「好」字，再逼我的話我還是會多給一個「好」字成為「好好」，會不會好過份？但我真覺得這系列產品很適合我。要知道我經已不是十八廿二了，此是不補更待何時？而RoC Multi Correxion™多效活膚系列全線產品確實能給我很滋養保補的感覺，尤其是近期反常地在幾日之間由28度跌至8度，更考驗這個系列的全面活膚抗老效能。

Read the rest of this entry »

Do the Hudson!!最為人熟悉的當然是那位示範iPhone App鬼鬼馬馬的「光頭佬」，然而由2月4日開始至3月31日Do the Hudson!!的iPhone遊戲輪流減價就更加使人興奮。

我剛買了由$4.99減價至$0.99的Crayon Physics Deluxe，畫吓公仔過吓關，響等車時間kill吓time都幾好傢。記憶中Do the Hudson!!好少減價，要買就要把握時機了。

哩個Yum Valentine’s Countdown其實出咗都有一段時間，雖然大家都知道情人節係邊一日，不過公仔超cute聲又好聽，download黎tum吓女朋友話俾佢知你有心裝載都好吖嘛，有時浪漫，就係從哩啲小細節之中呈現傢啦，各位朋友仔，加油！

我係唔鐘意叫叮噹做多啦A夢，吹咩！話說今日開小差時見到哩組大人のためのドラえもん特集2010 iPhone App，差啲響office叫到癲咗咁滯。日本仔好野，想到將叮噹切開16個iPhone App，每個App有自己獨立嘅功能例如計算機、iPhone電量計、睇漫畫咁，而當你將16個App嘅icon拼埋就有一隻好可愛嘅叮噹單眼望住你，真係完全估佢唔到咁好玩。要下載就快手，因為期間限定傢，同埋一定要有日本iTunes Store戶口先至可以下載得到。唔知點搞？快啲睇我舊文開哂全世界嘅iTunes Store戶口啦！

如果有收過我卡片的朋友，應該知道為我畫公仔的朋友仔Yuki Holland（郁其好撚，o拿，我卡片上面個三級logo你加嘅，我照寫你中文譯名我唔驚你傢，哈哈！），近日她有份畫公仔的iPhone App虎年運程上架了，當然要支持一下。

這個iPhone App的「老細」是香港賽馬會，可能你會想：「嘩，會唔會有好多博彩資訊傢？我唔賭傢喎！」放心，這個程式內一點賭博成份也沒有，頂多只有騎師和愛駒的相片及賀年語句算是有少少關聯。不過最正點的還是由麥玲玲撰寫的虎年十二生肖運程和開運video，她自己授權的iPhone程式每個生肖買都要US$0.99啦，但現在免費可看喎！而且瘦身成功的玲玲大師真的很靚女呢，看來我這個冒牌玲玲大師也要好好努力一下（今天同事才說一起去學Belly Dance，有好老師推介的話請留言給我吧，不求變玲玲大師咁瘦，只求扭吓條腰，唔該哂！）