原本無打算睇《眾妙之門》呢本書，但係佢又呼叫我。行過書架，大大本螢光黃色真係想唔見到佢都好難。而且，又係放響度無人借過乜滯，大家快啲去借書啦，唔好交稅益政府（我就黎可以做圖書館KOL）。
點解要睇？咪又係因為馬雅十三月亮曆祖師爺 José Argüelles 畫過一度堅嘅 Doors of Perception 木門，而且佢同作者 Aldous Huxley 個老婆係 friend 子黎。於是就睇吓係乜料。
麥司卡林 mescaline 係一種可以改變意識狀態，唔會上癮嘅葯物，西班牙人好崇拜呢種由仙人掌入面提取出黎嘅麥司卡林，簡直覺得可以透過佢同神聯絡（香港都有賣過類似嘅嘢，烏羽玉吖嘛）。
響 1953 年，Huxley 終於有機會試吓麥司卡林，起初真係無乜嘢，以為無料到，點知過咗個半鐘後開始黎料，見到嘅所有嘢都有 detail 位，如果套用啲身心靈撚嘅講法，簡直係見到一事一物散發出黎嘅 aura。
基於 Huxley 嘅文藝修養背景，佢用咗好多藝術作品、歌曲同名人去演譯佢見到嘅景象，所以呢本書應該非常之適合美術學生睇。
其實麥司卡林嘅作用係乜？就係抑制腦部嘅酵素系統，借此調節腦細胞嘅葡萄糖供應量，或者就係咁，所以會令到人產生改變意識狀態嘅功效。
如果唔係因為呢個麥司卡林之旅，Huxley 之後就唔會食 LSD，甚至臨死之前都要扯返兩飛。
雖然我唔 high 嘢，又唔藝術，不過睇吓呢本嘅書都幾頂癮，因為書後面落齊哂所有佢介紹過嘅畫作，睇完，會覺得自己有文化咗。
延伸閱讀
赫胥黎《眾妙之門》：這些印地安人用仙人掌素，取代了聖餐的麵包與酒
Show Comments
